ჩვენთან იწერება საბავშვო მუსიკა, რომელიც გამოყენებულია ჩვენს სატელევიზიო გადაცემებში და კონცერტებში. პოპულარული სიმღერები გამოდის აუდიოდისკების, კარაოკე დისკების და ვიდეოკლიპების სახით.

ჯგუფის წევრები

მაკა აროშიძე – სტუდიის მუსიკალური ხელმძღვანელი მაკა ზოდიაქოთი თევზებია. 1978 წლიდან დაიწყო მუშაობა და სწავლაც. მუშაობდა თეატრალუირ ინსტიტუტის ვოკალის კათედრაზე ვოკალის პედაგოგად. კინო-მსახიობთა თეატრის მუსიკალურ ხელმძღვანელად, ტელევიზიაში ჰქონდა საავტორო პროგრამა ,,ამღერებული ოჯახები”.  არის 30 სპექტაკლის მუსიკალური ხელძღვანელი სხვადასხვა თეატრებში. არის ,,ბასტი-ბუბუ”-ს დამფუძნებელი და მას შემდეგ მუშაობს სტუდიაში. არის 50- მდე სიმღერის ავტორი, ,,ბასტი-ბუბუ” მაკასთვის არის პირველი შვილი.

ამირან დიასამიძე – ხმის რეჟისორი (არანჟირება) ამირანი ზოდიაქოთი თხის რქაა. დაამთავრა ზაქარია ფალიაშვილი სახელობის სამუსიკო სასწავლებელი. მუშაობდა ბათუმის ოპერისა და ბალეტის სახელმწიფო თეატრში გუნდის მსახიობად. მღეროდა აჭარის სახელმწიფო კაპელაში, ხმის ჩამწერ სტუდია ,,ორფეოს“–ში, ,,უნივერსალ“–ში. 2008 წლიდან მუშაობს სტუდია ,,ბასტი–ბუბუ“–ში. უყვარს ბუნებაში ხეტიალი, მოგზაურობა და ბავშვები.