space

 

 

 

 

ბასტი ბუბუ ქართული სიტყვაა და ჟრიამულს ნიშნავს, ბავშვების მიერ გამოწვეულ აურზაურს. ეს სიტყვა მშვიდად ცხოვრობდა სულხან საბას ლექსიკონში და მხოლოდ ზოგიერთ ოჯახში თუ ახსენებდნენ ბავშვების ხმაურზე - ეს რა ბასტი ბუბუ გაგიმართავთო.

1992 წლის 10 მაისს საქართველოს ერთადერთი ტელევიზიის პირველ არხზე, პარასკევ დღეს, საღამოს 7 საათზე ეთერში გავიდა ფერადი, მუსიკალური საბავშვო გადაცემა სახელწოდებით ბასტი ბუბუ.

მალევე შეიქმნა ფირმა, რომლის დამფუძნებლებიც არიან თამარ სხვიტარიძე, მაკა აროშიძე, ხათუნა წულაია და ნინო გოგაძე და ამით საფუძველი ჩაეყარა ქართულ საბავშვო ბრენდს ბასტი ბუბუ, რომელიც უკვე მრავალი წელია ბავშვის ასაკზე მორგებული სატელევიზიო გადაცემებისა და საკონცერტო პროგრამების მეშვეობით ანვითარებს და ახარებს პატარებს.

ჩვენი მიზანია - შესაძლებლობებით სავსე სამყარო ყველა პატარას.

ამ მიმართულებით „ბასტი ბუბუ“ სახელის გარშემო გაერთიანდნენ ცნობილი ადამიანები და ფირმები. გაკეთდა ბევრი საბავშვო პროექტი – მათ შორის: "ბასტი ბუბუ და ვარსკვლავები ", რომელიც დღემდე პოპულარულია, "ბასტი ბუბუ და კომპოზიტორები", რომლის მეშვეობითაც100–ზე მეტი ახალი საბავშვო სიმღერა დაიწერა, შეიქმნა ქართული საბავშვო სატელევიზიო გმირები – ბაბილინა, გიო, ბასტი, ბუბუ, გოგიჩა რომლებთან შეხვედრაუხარია ყველა ბავშვს.

2014 წელს მაუწყებლობა დაიწყო საბავშვო ტელევიზია BBB (ჩვენი შვილებისტელევიზია) რომელმაც მოიცვა მთელ საქართველო. არხის მიზანია ისეთი ქართულისატელევიზიო პროდუქტის შექმნა, რომელიც ბავშვებისთვის იქნება მუსიკალური, შემეცნებითი და გასართობი. 2017 წელს დიდი საკონცერტო დარბაზის წინ გაიხსნა ბასტი ბუბუს ვარსკვლავი

 

სტუდია ბასტი ბუბუ ბავშვების ჟრიამული

„ბასტი ბუბუ“ სტუდიაში სწავლების პერიოდი იყოფა ორ ეტაპად:

• „ბასტი ბუბუ“ Sათამაშო 3 – 6 წლამდე პატარებისთვის

• „ბასტი ბუბუ“ Mასწავლებელი 7 – 10 წლამდე მოზარდებისთვის

სტუდიაში სასწავლო წელი იყოფა ორ სემესტრად

• I სემესტრი - 10 სექტემბრიდან 31 იანვრამდე

• II სემესტრი - 1 თებერვლიდან 30 ივლისამდე

3 წლის ბავშვებს აქვთ გაერთიანებული ცეკვისა და სიმღერის გაკვეთილები კვირაში ორჯერ. მათთან მუშაობენ ჩვენი ტელე გმირები.

4 – 5 წლის ბავშვებს აქვთ კვირაში სიმღერის ერთი და ცეკვის ორი გაკვეთილი.

6 წლიდან ზევით ბავშვებს აქვთ კვირაში ცეკვის ორი და სიმღერის ორი გაკვეთილი. გაკვეთილის ხანგრძლივობაა 45 წუთი.

სტუდიაში არდადაგები ცხადდება:

საახალწლო (1 იანვრიდან 14 იანვრამდე)

სააღდგომო,

საზაფლუხო (1 ივლისიდან 10 სექტემბრამდე)

ღია გაკვეთილები ყოველი სემესტრის ბოლოს მშობლები ეცნობიან თავისი შვილის მიღწევებს შემაჯამებელ ზეიმზე.

დამატებითი ინფორმაციის მისაღებად დაგვირეკეთ ნომერზე

T: 2 30 32 20